കവിത
മൂന്ന് തുള്ളികള്

രാജന് സി എച്ച്
മഞ്ഞുതുള്ളി
മഞ്ഞുതുള്ളി
മതിയെനി_
ക്കെന്നു ഞാന്.
കൊണ്ടുപോകു_
മതിന് തണു_
പ്പെന്നു നീ.
സമ്മതം മൂളി
നമ്മള് പരസ്പരം
രണ്ടു കൈവഴി_
യായന്നു ജീവിതം.
കണ്ടുമുട്ടിയ_
തിപ്പോഴാണിങ്ങനെ:
കൊണ്ടുപോയ
തണുപ്പില് നീ
നിശ്ശബ്ദ_
മുണ്മയായി
ശയിക്കുന്നേകാന്തമായ്.
കാണുമെന് കണ്ണില്
അത്രയും ഗൂഢമായ്_
ക്കാത്തുവെച്ചതാം
മഞ്ഞുനീര്ത്തുള്ളിയോ?
ഹേമന്തക്കുളിര്
മഞ്ഞു വീഴുമെ_
ന്നോര്ത്തിരിക്കുമ്പോഴേ
പെയ്തിറങ്ങീ
മഴയുടെ വൈഖരി.
വൃശ്ചികത്തി_
ന്നിലത്തുമ്പിലത്രയും
വിസ്മയാധീന_
മില്ല ശൈത്യക്കുളിര്.
കൂട്ടിയിട്ടു
കരീലകള് കത്തിച്ച
കൂട്ടുവിട്ടു
തൊടിയില്പ്പുകച്ചുരുള്.
എത്രയാകിലും
കാലമച്ചാണിയ,_
റ്റെത്തിടാതായ്
ഋതുരാഗരാവുകള്.
ഒരിറ്റ്
വലിയ തുള്ളികള്ക്ക്
ഇലത്തുമ്പിലിരുന്നാടാന്
പ്രയാസമാണ്.
അവയെളുപ്പം
മണ്ണിലുതിര്ന്നലിയും.
എന്നാലെനിക്കാവുമോ
ഒരിറ്റു മിഴിനീര്ക്കണത്തിന്
നിന്റെ മിഴിപ്പീലിയില്?

littnow
Littnow ലേക്ക് രചനകൾ അയക്കുമ്പോൾ വാട്സാപ്നമ്പർ, ഫോട്ടോ ഉൾപ്പെടുത്താൻ ശ്രദ്ധിക്കണം.
പ്രസിദ്ധീകരിക്കുന്നവയിൽ കമൻ്റുകൾ എഴുതുക. നിങ്ങളുടെ അഭിപ്രായങ്ങൾക്ക് ഞങ്ങൾ വലിയവില കല്പിക്കുന്നുണ്ട്.
littnowmagazine@gmail.com
- Uncategorized4 years ago
അക്കാമൻ
- ലോകം4 years ago
കടൽ ആരുടേത് – 1
- കവിത3 years ago
കവിയരങ്ങിൽ
വിനോദ് വെള്ളായണി - സിനിമ3 years ago
മൈക്ക് ഉച്ചത്തിലാണ്
- കല4 years ago
ഞാൻ പുതുവർഷത്തെ വെറുക്കുന്നു
- കായികം3 years ago
ജോക്കോവിച്ചിന്റെ വാക്സിനേഷൻ ഡബിൾഫാൾട്ടും ഭാരതത്തിന്റെ ഭരണഘടനയും
- കവിത4 years ago
കോന്തല
- ലേഖനം4 years ago
തൊണ്ണൂറുകളിലെ പുതുകവിത
SANIL NADUVATH
January 31, 2022 at 3:01 am
👌